انا باكتب قصيده ماكتبها شاعر مذكور
واطرزها ذهب واكتب عليها اسمك واحررها
انا مادري وش اكتب فيك شعر مسطور او منثور
يعجز الشعر في وصفك محاسن فيك ما اكثرها
واخاف الشعر مايوفيك حقك يالملاك النور
واخاف انسى بعض مافيك من ميزات ما اذكرها
الا ياقطعة السكر والا يالماسة البلور
والايادانة الجوهر واخاف الناس تكسرها
والا ياوردة الجوري والايالكادي المشهور
حياتي ياحياتي انت بانفاسك تعطرها
والاياضحكة الطفل البرىء السالي المسررور
والايالحبر خذ روحي ورق وارجوك سطررها
انا اللي مغرم فيها وانا الهايم وانا المأسور
وانا العاشق لها وافخر بأني صرت أسرها
وانا اللي في هواها امشي بكيفي ما اني ابمجبور
تخيرته مابين الناس تعجبني محاجرها
ازعلها حشى ماقوى اراضيها بكل اسرور
ادلعها وتستاهل دلعها حيل يبهرها
ابكيها حشى ماقوى اضحكها ضحك مسحور
امدحها وتستانس بمدحي يوم يغمرها
ابعطيها وابهديها وباقطف للملاك ازهور
عسى الله يحفظك لي من عيون الناس ماخطرها